Zogam Ah Tuuk An Natung Ta Ung

Tukum Guahtui hoih luan

Tukum pen Pasian thupha tawh guahtui hong hoih mahmah bilbel in Zogam sung nungim nam vangvang hi. Khai ci vawh te zong hoihtak mah in hong po a, Zu leh Va in shusia het lo in hong khang thei hi. Zogam ah anteh hongsel baih mahmah bilbel in mehteh mehgah na kitasam kei ung. cih ding ahihi.

Gamdang om ten nong theih sa mah bang un Zogam pen Gamdang banglo in Nisim tuuk kitung hilo a, kum khat teh khat vei tuuk anhong tung ahih man in Pasian tungah lungdamna lian mahmah ahihi. Anpal ahi siimmai (Alu) te May kha kipatlamin hong tung thei tahi. Anbongteh' Tuaikiteh leh Besan mahtawh huan in meh bawl zel ung. June Kha lam teh Lolaipan in Maiteh dawng mikmek nalo thei ta ung. Gurkhadi ( Mangkaithum) teh zong kinee thei ta a, tu in bel agah mahmah na nene thei ta ung.

Mehteh mehgah namkim omna Zogam

Khua hun hongkihei zia pen tuuktaam mautaam hun bang lo in lo lai ante zong hing dimdiam in, Lokuan leng hong nuihsansan in hong muak tawh kibang liang hi. Tu in Singah nam tuamtuam Apple ,te lengtheite, Theigah te, Haigah te min zihziah in ki zuak zolo zawsop a, akungtung pan amin sa in pulh khia in amuatmuat ding hita ahihi. Lolai pan in Benaang te, Mekha nam tuamtuam te, Manta cihte zong kitasam lo in hong tung theita ahihi. Tuuk hunsungteng in Paateh zong in gamsungah nakuan zelzel ung, Paapaal zong in gandai dung na zui zelzel ung, Paatuung zong in Tungtun om na peuh ah napai zelzle ung. Paakhawl, Paalaivom , Paa aktui , Paakep cih peuh meh in nanei zelzel ungh. Noh e, Gamdangah zon kulkei in teh maw?

Anpaal leh Puzu kholh, Anpaalte leh Pasian phawksemsem

Adiakdiak in Zotaang an paal te hong tung thei a, Simh lam lonei ten Vaimiim gau te hong la thei ta uhhi. Biakinn /Sanginn ah anpaal te Pasian tungah lungdam kohna nanei theipah ung.Zotaang te hong tun teh Taangkan zu limpenpen ding Pu te kholh ding in nasaa pah ung. No E Pu te Zu kholh gamdang ah nanei thei uh hiam? Kha sum san sim no mau leh no mau kikholh zelzel lai nu teh maw?

Muinam kisam ung. Zomi Zogam

Zotaang anpaal leh Zusa pheh keugawm vilvel ,huam in Maiteh leh Alu tawh naciim huan zel ung. Zo Anpaal ah aliim pen mah na cici ung. Ih mut nuam mahmah in zan in ih mu thei pah ung a, Zingteh khuahong vak leh Kamit uh bang bok liuleu bek hi.

Zogam Sea Food di, Len Khang khung

Zogam ah Sea Food cihdan om theilo zel ahiziak in Lenkhang leh Ngeen pua in Zolui leh Zogun kici tengteng ah Nga sa nabeng zelzle ung . Inn kuan meh khop ding bang Ngasa kamap uh teh nitakmeh lap di in inn lam ciah pah ung. Inn ka tun uh teh Ngasa mat te huan pah saisai ungh. Naupangte bang Vitamin kisam lua hizaw hiam. Ngasa huan gim azak uh teh apauthei nailo te na leng lasa thei hita mai ei. Inn kaa tuangdung tungah akhe lang khat khai lengleng in awng vauvau hi mai ung ei...Zogam Sea Food nelua ding hita ung akicici hi mai ei.

Zogam ah saneek di hun kumkhat 3vei sang tam zawlo

Zogam khuapi te ah bel kumpi nasem ten Kalkhat khatvei sa nezo thei ahih hang' Ko khuata om te bel Sabaal nek ding Kumkhat kingak hi mai in , KHUADO teh Vok go ding sane ding cih na lung ngaingai laiung. Tuuk an kila khin leh Khua ki Do ding a, Zukhum penpen leh Salim penpen meh ding cih na ngak ngeiungeu mai ung. Gam dang ah bel nisim in sa nek bekbek ci mai uh cin' Inn lam hong pawk zel bek un maw?

Sabeng siam leh Saben uk te'n angong tai zaw diak

Zogam ah sabeng siam Thaangsiah siam ten gam ak, Vagik, Valah, Sakhi, Sazaw , cih bang leh leithaang uk leh Maan khawng uk ten Zusa, Zulei Vasa man thei in angawl uh tai zaw diak a, Khua do di bang ngaklah lo tuam kik zawsop hi .Gamvak uklo sa uk lo te bel Tuuk hun sung teng Lolam sing gah tawh nabuai buaibuai ung.

Gamdang ah mehteh meh gah, Sa nam kim nisim in na nek uh teh Zogam Tuuk an tun hun , hong phawk zelzel un maw. Ko na Nu te Napa te Vitamin kisam in ngawng semsem ta ung. Tuuk ante zong Khua kal leh kita sam zelzel nung. Atui in na laung sak kei un la, Zogam khua khal hun teh gamdang mahbang in Tuuk hong tungsak zel zel un. Sum pi tuuktun nangak nung ei....Zotuita.Zogam ah tuukan tungta!!!!!!!!.



Hau Thang

ZomiDaily

Posted in: Siyin News