Thuklai Christianity kum 100 cin' Pawi Centenary Anniversary nuamtak in kiman thei

Kei 9 April nitak nai 4 theng zo.  Patangte Camp nei tana, ka tun na tu Saya U Thawng Ko Hau inn a ci se Campers te om ta na Rev. Hangpu tangin saya nu Neam in hong muak a, Pu Mangbawk inn ah hong tun a, Sayanu in "Keima pupu, a ci le a tanu no bel in, "Keima pupu hizaw" ci in hong tawi sak pai a,  ka toi bang a thai liang hi.
Pu Mang Lian (Pu Thang Ko Lian) kong pan in landial color cing a hoih na no na kikhai suk zei zoi a, keima hong muak tuam bangma in ka ngaisun hi. Ansia sa quota kihawm a, kei bang sa ka neak ngawl hang ka quota se innteakte in nga le ci ka ngaisut hi ve, kuama in sa tabang ngaisun va van nawn bo.   Zing le nitak ah sa bebek ma hi saam ahiciang maw.
Biakinn sia stage zak pi hi a, a pua mandat ah "screen" koih in a pua a to te in zong a sungah thupiang theampo he siat thei hi.  Nitaksim thuhilh se JM Paupu hi tha kinga hi.  Nisim tentan se nai 9 pan 12 dong Sya Lam, 1 pan 3 or 4 dong se JM Paupu hi a, ngualdang ci thada keima ma ma zong tha ka nga ma ma hi.  Thupi thei ma ma hi.  Friday nitak in JM Paupu in appeal la in ki-apna kinei hi.  Thi le naap taw ma ki-ap tek hi.

Sunday ni sun sia Sann pa na ni te unau zong hun hong la a, la zong sa uh hi.   Ni Ciin Ko Mang le Ni Cingh Ciang se keima mu na Dr. Dal nu talented zaw hi le kilawm sa ing.  Aw zong a nam cicing sa thei ci.  La hong sa uh thu zong tawm hong son uh hi.
Capt. Suang Cin Lian tanu se lasa thiam ma ma a, Mizo lathiam te bangma tau vadal thei zo hi.  Hallelujah se 100 a cinh tu se Khuasak pan kihel zo ngawl ahiman in 100 cing ngawl hi.  Lophei, Pumva, Buanman te kihel a, thiam ma ma hi. 

Khui 4 a val lai le kul nawn ngawl hi a, lungdam huai hi.   Hydro a tu Thuklai Centenary in thein 10 khia le ci ngetna se hong sang a, lungdam khut bek na  taw ka sang uh hi.

Akluai lam set taw kiziik a, thein 2 le lang sum kiba hi.  Sunday ni hun man ciang meeting to na ah ngam dang pan cia teng in tawm tek ngawm vadiam a, K150,000 ki nga hi.  K100,000 sia hong kihel thei ngawl pawl khat om lai te in pia lalawm tu ka um hi.
Vaiphei te 45 bang hong kihel a, lap hong lak, la hong sak se hong ngamlum sak tuam bek hi ngawl, Sizang, Sailo, Vaiphei be ii kihel ciang pawlcing pheang ii hi bangma ngammuan thinnopna khat hong pia ka sa hi.
Vaipheite se ei sang in cultured zaw ci in ka mu hi. 

Ken

Posted in: Siyin News