Thuklai khua ah Internet Nuamtak kizang theizo

Tunipan kipan Thuklai pan Internet nuamtak in kizang thei zo ci hongzasak ung. Sky Net MPS khat kithua hi.
Mang Thawng Ngam Khai Clinic ah kikoi a, azang nuam po tuak sung panin ki zang thei zo hi. Line ala
nuampo zong inntek pan ki la thei tu hi.

Internet pan man ol tak in leitung bupki pau pui thei tu hi.Hi bang in hong pian thei na tu ahanciam, thunget na taw hong panpui,akuama theampo le sumlepai hong sik, Pa En Za Pum te innkuan le mun hong zang sak Mang Thawng Ngam Khai Foundation le Clinic te tungah kilungdam mama hi.

Thuklai Christian Centenary - kum 100 cin pawi sung ah ngampan hong cia man ngawl te zong ahun zui-in program zakdan te net tung ah hongki suak sak thei tu hi.Nangma ma mimalkhat sim ih na thungetna, na thin toi pui na le pheak khat pheak ni na hawp na te Topa in hong nguak suak sak ngawla, tuin hong pui cing sak hi.
Hong ngual zo sak Topa Pathian in Minthan na, Vangletna le Ukzawk na te tang tawntung tahen. Amen PS:
Khuasak luipi mei zong zeinitak pan kipan nuam tak kizang kik thei zo hi. Tuni zong Pa Lian Kop Cin le alawm te luipi ah pai in etna nei tuhi.

Damtek tawng, kum 100 nuam,

Hang te
Thuklai (Old Fort White)

Posted in: Siyin News