Fort White - Thuklai lampi

Japan Ngal zawk ciang, Sizang  Private High School sia Bogyoke Aung San in

 " Mangkang te in Kum tatan vei a vawt zawk ngawl, Kei kum 2 sung vawt tu khi hi "

aci bang ma 1947 Kumciang , Thuklai khua ah High School kipia hi ci in Radio sung pan

 a kithang sak a,Khamtung bup lamdang ki sa hi. Haka, Falam , Tedim te sia Sub-division ,

( Myone Khuapi )hi ka sap tate ki pia ngawl a banghang , Thuklai in nga ziam ci in  Sangpatang

 te le Khamtung Ulian te lung dam ngawl in phun hon hi.

 

Ahi hang,Sang sang U Lian khat in " Sang Inn om aa, Sang patang om na sa,ahi  Thuklai a kipia hi" ci in ki zo kik hi.

 

Tua hun in, Fort White- Thuklai lam ki vawt ngawl lai hi. Sizang Upa te nasia tak kikum aa, Fort-White,

 Thuklai lam sia eima nguai an taw ki vawt aa Thuklai khua kithen hi. Lam vawt na ah thuki si ngawl in, kihau zong tampi

omh zawk ciang Thuklai dong Motor ki then hi. 

 

1962 Tawlan Yee Council hong khang aa, Kumpi te ngaisut na pia tu in, Amuan mihing 33 teal aa, Kumpi te ngai sutna

pia sak hi.Tua sung h Zomi pan U Pu Lun Pum le U Htat  Hlaing (Paletwa) ki hel hi. Ama te ih Kawlngam om dam a muna bangtek ,Kumpi tung ah Pulak hi. Tua sung ah Pu Lun Pum lai aat na no khat ah " Burmese  Way to Socialism means - Burmese Way to Starvation " ci in Socialism sia Kawlngam , zawng khaal sak tu lampi " ci in phat ngawl na a mu khol na aat hi.

 

Tua hun lai Khamtung pua na tu in hong nusia sa, David Thang Za Pau in Report khat aat aa, Kumpi tung ah piak tu in Pu Lun Pum

tung ah sawl( advised ) hi. Tua sung ah Khamtung lampi pua na tu pan ki pan tam ma aat a hi hang  a tungsia theng ngawl ci za ngei ingh.

Tua lai tak Chairman a seam Pu Son Khaw Lian in zongh Khamtung pua na tu, lam ziik na tu, U Ne Win tung a son pui sia a dang taw zo mama ngawl aa,  A khut daw aa," Paih san pe paa" ci ziau ci. Kawl ngam le ci maw tu kipapan, Khamtung pan le bang ma piang ngawl, Tua hu aa, "No ma dang ka pia ta vun" ci thong hi tuak.

 

A hi zong , Akluai lam a siat sim , khuasinm eima san tek, a kipua tawntung sia 1970(?) ciang, in Thuklai lam sia Kumpi in Kumpi lam in hong laak sak aa, Cooly zong 10 bang veu diang tan hi.TYase pan lampi a lal zong taangtha ki kuan nawn ngawl hi.

 

Hi Thuklai lampi a nga na tu a phulpi sia, Pu Son Khaw Lian,  Dr. U Ngin Thawng le Sayama Daw Ciang Za Dim  ci in ki ciam te hi. North West Commander , Col Sein Mya Tedim hong pai ciang Thuklai dong ton pui aa Phatak a son pui ciang a ki nga ci za ingh. Sayama Dimno na a cing in hong at lai le ki cian vak. Lam hong ziik tawm sak hi ngawl aa ih ziiksa sia Kumpi in hong laak sak a hong hu hi. Ei ih Thuklai khua Motor ih thet zawk kum 60 ciang , Khamtung muntatuam ah lamziik tu kipan pheang zongh tam mama lai hi.

 

Tu in, MP Pu Zo Zam hanciam na taw, Thang lampi sia Bulldozer taw diit aa nuam mama tu ci za ingh.A vawt saanh lai tak hi.

 

Taciang Khamtung lampi puana tu Japan Kumpi in hong hu tu ci. Kumpi sang te in lampi a puatu dan teng en tu aa, hong pai zo ci. Ama te report sia a man ciang sumbo tu za tuat tu aa, Japanm Kumpi in Company te tavuan pia in cial tu ci , (Tuni tak) Taingen pan ka thu zak hi.

 

India te in Laitui lam sia hong tunh hen aa, Japan te hu na kinga takpi le Khamtung ngam sia khangto tuam mama tu hi.Motor Cycle zong tu ni nikhat sung 300 bang Taingen a paisuk a pai to  in kaan tan hi.

A ki tel thei nit nut ziam maw, en kik man meal ngawl khi hi.

 

Taingen Pu Suang Za Dal phone  ( 00 95 94 707 3597 )

 

Pome

Posted in: Tangthu(sizang)